Güləş üzrə Azərbaycan çempionatının tarixləri müəyyənləşib

Azərbaycan Böyüklər Güləş Çempionatının tarixləri müəyyənləşib.

Azərbaycan Güləş Federasiyasının verdiyi məlumata görə, yunan-Roma və sərbəst güləş üzrə ölkə çempionları 7-11 yanvar tarixlərində Bakıdakı İdman Sarayında müəyyənləşəcək.

İlk üçlükdə yer alan güləşçilər milli komandaların tərkibinə daxil ediləcək. Görüşləri yalnız yerli hakimlər deyil, həm də xaricdən dəvət olunmuş təcrübəli I-S kateqoriyalı hakimlər idarə edəcək.

İlkin mərhələ görüşləri saat 10:00-da başlayacaq. Həlledici görüşlər saat 18:00-da başlayacaq. Çempionatın açılış mərasimi 7 yanvar saat 17:00-da keçiriləcək.