Rusiya məhkəməsi azərbaycanlıların həbs müddətini uzadıb

Məhkəmə Yekaterinburqda əvvəlki illərdə törədilmiş qətllərdə ittiham olunan üç Azərbaycan vətəndaşının məhkəməyəqədərki həbs müddətini uzadıb.

Əziz Abbasov, Şahin Lalayev və Əhliman Gənciyev Rusiya Cinayət Məcəlləsinin 33-cü maddəsinin 3-cü hissəsi və 105-ci maddəsinin 2-ci hissəsinin "z" və "g" bəndləri ilə ittiham olunurlar: "Bir qrup şəxs tərəfindən əvvəlcədən əlbir olaraq törədilmiş qətl; muzdlu qətl; muzdlu qətlə cəhd".

Məhkəmə həbs müddəti 29 mart 2026-cı ilə qədər uzadılıb. Məhkəmənin qərarı hələ qüvvəyə minməyib. Sverdlovsk Vilayət Məhkəməsinin mətbuat xidmətinin məlumatına görə, tərəflərin apelyasiya şikayəti vermək üçün üç günü var.