Argentinada Lionel Messinin heykəli vandalizmə məruz qalıb

Mar del Plata şəhərində Argentina milli futbol komandasının hücumçusu Lionel Messinin heykəli vandalizmə məruz qalıb.

Heykələ hücum edilib və iki yerə bölünüb.

Heykəl El Nuevo Mundial kafesinin girişində yerləşirdi. Heykəldə futbolçu milli komandanın rənglərində, əlində Dünya Kuboku kuboku tutaraq təsvir olunub. Heykəl Argentina milli komandasının 2022-ci ildə Qətərdə keçirilən Dünya Kubokunda qələbəsini xatırladır.

Hadisənin səbəbləri hazırda araşdırılır.

İkinci dəfə vandalizmə məruz qalan heykəlin bərpa edilib-edilməyəcəyi ilə bağlı da qiymətləndirmə aparılacaq. 2024-cü ildə Messinin heykəlinin başı kəsilib.