Qadın voleybol millimiz İslamiadada büdrəyib 

Səudiyyə Ərəbistanının paytaxtı Ər-Riyyadda keçirilən 6-cı İslamiadada (İslam Həmrəyliyi Oyunları) qadın voleybolçuların yarışı davam edir. Noyabrın 9-da Azərbaycan millisi üçüncü tur çərçivəsində Türkiyə komandası ilə qarşılaşıb. Qeyd edək ki, ilk turda meydanı qələbə ilə tərk edən millimiz hesabat turunda büdrəyib.

AVF-dən verilən məlumata görə ilk iki turda müvafiq ardıcıllıqla İran və Tacikistan  komandasını quru hesabla (3:0) məğlub edən millimiz eyni hesabla Türkiyənin ay-ulduzlu komandasına uduzub - 0:3 (12:25, 8:25, 10:25).

Millimiz qrupda son matçını noyabrın 12-də Əfqanıstan komandasına qarşı keçirəcək.

İNTİQAM Məmmədov