(AZpressAZ-in arxivindən: 2024-cü il)

YADA DÜŞƏR XATİRƏLƏR

Arxeoloqlar ən qədim heyvan heykəli tapıblar

Nelson Mandela Universitetinin Cənubi Afrika alimləri insan tərəfindən yaradılmış ən qədim heyvan şəklini aşkar ediblər.

Cənubi Afrikanın Keyptaundan 330 kilometr aralıda sahildə tapılan daşlaşmış qumdan hazırlanmış Dasyatis chrysonata növündən olan mavi vatozun heykəli olduğu ortaya çıxdı. Araşdırma Rock Art Research (RSR) elmi jurnalında dərc olunub.

Artefakt tarixdən əvvəlki yaradıcılıq nümunələri ilə məşhur olan Blombos mağarasından təxminən 30 kilometr aralıda yerləşirdi. Əvvəllər orada 77 min və 73 min il əvvələ aid qayaüstü rəsmlər aşkar edilmişdi.

Heykəlin tədqiqi onun təxminən 130 min il əvvəl Orta Paleolitdə yaradıldığını göstərdi. Elm adamları bunun süni bir obyekt olduğunu təsdiqlədilər, çünki təbii formasiyalar üçün xarakterik olmayan demək olar ki, mükəmməl simmetriyaya malikdir. Həmçinin naməlum müəllif əsərinə xarakterik naxışlar həkk etmişdir.

Arxeoloqların fikrincə, onların tapdıqları artefakt bizə qədim insan sənətinin inkişafını onun mənşəyindən, müasir insanların uzaq əcdadlarının mücərrəd formalardan məxluqların təsvirinə keçdiyi vaxtdan izləməyə imkan verir. Özlərini ifadə etmək üçün əvvəlcə qumdan istifadə etdilər, sonra qayaüstü rəsmlərə keçdilər.