ABŞ-da məktəbdə atışma - 3 ölü, 20 yaralı

ABŞ-nin Minnesota ştatının Minneapolis şəhərində katolik məktəbdə atışma baş verib.

AZpress.AZ xarici KİV-ə istinadən xəbər verir ki, baş verən insidentdə 3 nəfər ölüb, 20 nəfər isə yaralanıb. Minnesota qubernatoru Tim Valz, “X” sosial media platformasında Annunciation Katolik Məktəbinə səhər saatlarında hücum olduğunu bildirib.

Minneapolis Bələdiyyə başçısı Ceykob Frey də şəhərin cənub hissəsində baş verən dəhşətli zorakılıqları izlədiyini bildirib və təcili yardım qruplarının hadisə yerində olduğunu vurğulayıb.

Qeyd edək ki, hadisə zamanı 8 və 10 yaşlı iki şagird həyatını itirib, hücum edən şəxs isə intihar edib.

Məhəmməd Tağıyev