YADA DÜŞƏR XATİRƏLƏR

(AZpressAZ-in arxivindən: 2023-cü il)

Dünyaca məşhur “FIRST Robotics Competition” (FRC) müsabiqəsinə start verildi

Dünyaca məşhur “FIRST Robotics Competition” (FRC) müsabiqəsində bu il ilk dəfə olaraq Azərbaycan da iştirak edir. NASA ("Milli Aeronavtika və Kosmos İdarəsi") təşkilatının ABŞ-də keçirdiyi bu yarışda ölkəmizi 14-18 yaş arasında olan 22 gənc MeckHack #9030 komandası adı altında təmsil edir. Yarışmaya Azercell-in dəstəyi və “Train Brain” şirkətinin təşkilatçılığı ilə qatılan komanda iştirakçıları bu beynəlxalq tədbir üçün hazırladıqları robotu Nyu-Yorkda münsiflər heyətinə təqdim edəcək. Azərbaycanı MeckHack #9030 adı altında təmsil edən iştirakçılarımız dünyanın müxtəlif ölkələrindən yarışa qatılmış- 48ölkeden 84 komanda ilə mübarizə aparacaq. Müsabiqənin nəticələri aprel ayının 8-də baş tutacaq final mərhələsindən sonra açıqlanacaq.