YADA DÜŞƏR XATİRƏLƏR

(AZpressAZ-in arxivindən: 2023-cü il)

ELMAN ELDAROĞLU:

 "...xalq yox, fərdlərdən ibarət toplum..."

Yaşadığım çoxmərtəbəli binanada xeyli imkanlı və vəzifəli adamlar qalır. Kişili-qadınlı əksəriyyətinin də avtomobili var. Binaya gedən dar yolun asfalt örtüyündə bir neçə çala əmələ gəlmişdi. Həmin avtomobillər çalalara düşür, əcaib səslər çıxarırdı. Amma heç kim həmin çalaları doldurmağı ağlına belə gətirmirdi. Dünən tənbəllik etməyib, bir neçə kisə çınqıl aldım və necə deyərlər, həmin çalaları “abıra” salanda ağsaqqal qonşulardan biri mənə yaxınlaşıb gözəl bir söz işlətdi:- “Bizim camaat nə vaxta kimi evinin çölünü yaşadığı ev qədər səliqəli saxlamayacaqsa, xalq yox, fərdlərdən ibarət toplum olaraq qalacaq...”