Zelim Tsakaev bu gün Tatamiyə çıxacaq
Macarıstanın paytaxtı Budapeştdə keçirilən dünya çempionatında bu gün Azərbaycandan bir cüdoçu fərdi yarışlarda mübarizə aparacaq.
Tatamiyə Zelim Tsakayev (81 kq) çıxacaq.
O, 1/16 finalda Pavel Jimal (Polşa)/Qiannan Vanq (Çin) cütünün qalibi ilə görüşəcək.
Qeyd edək ki, dünya çempionatında Azərbaycan fərdi yarışlarda 10 çəki dərəcəsində 13 cüdoçu (9 kişi və 4 qadın) ilə təmsil olunur. Komandamız qarışıq komanda yarışlarında da iştirak edəcək. Hələlik cüdoçularımız turnirdə medal qazana bilməyib.
