Kitabxanalara türk xalqlarının ədəbiyyatı ilə bağlı yeni kitab hədiyyə edildi

Bakı Şəhər Mədəniyyət Baş İdarəsi Yasamal rayon Mərkəzləşdirilmiş Kitabxana Sisteminə (MKS) türkologiya   sahəsində  çalışmaları  ilə  Azərbaycanda  və  digər  türk ölkələrində  tanınan  professor  Elman  Quliyevin   universitetlər  üçün  yazdığı “Türk  xalqları ədəbiyyatı” kitabı hədiyyə olundu. Bu dərslik   türk dövlətlərinin  universitetlərində  tədris  proqramlarının   tələblərini ödəyən kitabdır. Kitabda türk  xalqlarının (türk, Azərbaycan, özbək, türkmən, qırğız, qazax, tatar, iraq-türkmən)  görkəmli  ədəbi  simalarının  ən  qədim  dövrdən müasir zamana qədərki həyatları  və  türk epos, şeir, nəsr nümunələri   tədqiq edilir. 
Kitabda Z.Göyalp, M.A.Ərsoy, H.Cavid, O.Süleymenov, Ç. Aytmatov və b. dahilərin  yaradıcılığı  təhlil  edilir.  Kitabın elmi  redaktoru akademik İsa  Həbibbəyli, rəyçilər akademiklər  Gövhər  Baxşəliyeva,  Nizami  Cəfərov və b.  Kitaba  özbək  və  türk alimləri  rəy veriblər. 
Oxucular kitabla Yasamal rayonunun bütün kitabxanalarında tanış ola bilərlər.