Ermənistan Hava Yolları 6 ay müddətinə uçuşları dayandırıb

“Ermənistan Hava Yolları” altı aydır uçuşlar həyata keçirə bilmir.

AZpress.AZ  xəbər verir ki, bu barədə "Sputnik Ermənistan"a Mülki Aviasiya Komitəsindən məlumat verilib.

Aviadaşıyıcıya kommersiya uçuşları həyata keçirməyə icazə verən Hava Operatoru Sertifikatı (AOC) dayandırılıb. Bu, uyğun təyyarələrin və ya aviaşirkətlərlə icarə müqavilələrinin olmaması ilə bağlıdır.

Sertifikatın fəaliyyətinin dayandırılması ilə bağlı qərar mayın 6-da qəbul edilib. Əgər şirkət altı ay ərzində müvafiq təyyarə və ya təyyarə lizinq müqavilələrini komitəyə təqdim etməsə, onun sertifikatı həmişəlik ləğv ediləcək.