"Hər kəs çinlilərin ayda qoyduğu izləri görəcək"

Çin Aya uçuşlar üçün yeni nəsil pilotlu kosmik gəmi yaratmaq layihəsini həyata keçirir.

AZpress.AZ xəbər verir ki, bu barədə Çin Aerokosmik Elm və Texnologiya Korporasiyasının Beşinci Tədqiqat İnstitutunun əməkdaşı Şao Limin deyib.

"Ümid edirəm ki, kosmosa yeni nəsil pilotlu kosmik gəminin göndərilməsini və taykonavtların Yerdən kosmosa uçması üçün yeni platforma yaratmasını görə biləcəyik", - deyə o bildirib.

Şao Limin qeyd edib ki, son iki ildə Pekin pilotlu Ay tədqiqatı proqramını fəal şəkildə irəli sürür. "Və yaxın gələcəkdə hər kəs çinlilərin ay səthində izlərini qoyduğunu görəcək", - deyə o vurğulayıb.