"Barselona" hücumçu ilə yollarını ayırmağa hazırdır

"Barselona" hücumçu oyunçularından birinin gələcəyi ilə bağlı qərar verib.

Kataloniya klubu Ferran Torresi transfer bazarına çıxarmaq qərarına gəlib. Rəhbərlik qarşıdan gələn yay mövsümündə oyunçu üçün təklifləri nəzərdən keçirməyə hazırdır.

Mənbənin məlumatına görə, hücumçu ilə müqavilənin uzadılması ilə bağlı danışıqlar aparılmır və bu da onun mövsümün sonundan sonra komandadan ayrılma ehtimalını artırır. Oyunçunun klubla hazırkı müqaviləsi 30 iyun 2027-ci ilə qədərdir.

Torres 2022-ci ildə "Mançester Siti"dən "Barselona"ya 55 milyon avroya keçib. Bu mövsüm o, bütün turnirlərdə 44 oyunda meydana çıxıb, 19 qol vurub və iki məhsuldar ötürmə edib.

Oyunçunun dəyəri təxminən 50 milyon avro olaraq qiymətləndirilir.