"Barselona" Levandovskinin müqaviləsini uzatmaq istəyir
"Barselona" klub prezidenti Joan Laportanın təşəbbüsündən sonra hücumçu Robert Levandovskinin müqaviləsini uzatmaq niyyətindədir.
Katalonlar polşalı hücumçunun müqaviləsini 2027-ci ilin yayına qədər uzatmağı planlaşdırırlar.
Qeyd olunur ki, yeni müqavilədə Levandovskinin maaşı azaldıla bilər, lakin dəqiq maliyyə şərtləri hələ açıqlanmayıb. Tərəflərin razılığa gələ biləcəyi gözlənilir.
Bu mövsüm hücumçu "Barselona"nın heyətində bütün yarışlarda 40 oyuna çıxıb, 17 qol vurub və üç məhsuldar ötürmə edib. "Transfermarkt"ın məlumatına görə, onun bazar dəyəri 8 milyon avro olaraq qiymətləndirilir.
