Finalda "Xilasedici" ilə "ORDU" qarşılaşacaq 

Kişi voleybol klublarının çıxış etdiyi Azərbaycan çempionatının Yüksək Liqasında yarımfinal mərhələnin cavab oyunları keçirilib. Qeyd edək ki, aprelin 7-də keçirilən ilk oyunlarda olduğu kimi, FHN-in idman zalında baş tutan bu oyunlarda da  "Xilasedici" ilə "ORDU" klubu qalıb gələrək adlarını finala yazdırıblar. 

Oyunların nəticəsi belə olub:

"Xilasedici" - "Murov Az Terminal" - 3:0 (25:19, 25:19, 25:22);

"Neftçi" - "ORDU" - 2:3 (25:22,24:26, 25:23, 26:28, 14:16).

Aprelin 7-də baş tutan oyunlarda isə aşağıdakı nəticələr qeydə alınıb:

"Murov Az Terminal" - "Xilasedici" - 0:3 (20:25, 18:25, 18:25);

"ORDU" - "Neftçi" - 3:0 (25:12, 25:14, 25:16).

Beləliklə, çempionatın finalında "Xilasedici" ilə "ORDU" klubu, üçüncü yer uğrunda isə "Neftçi" ilə "Murov Az Terminal" üzləşəcək. 

Oyunlar aprelin 18-də Bakı Voleybol Mərkəzində keçiriləcək. Saat 13:00-da üçüncü yer uğrunda, saat 16:00-da isə final oyunu başlayacaq.

Aprelin 19-da isə eyni məkanda qadınlar arasında üçüncü yer uğrunda (saat 13:00-da) "Milli Aviasiya Akademiyası" - "Gəncə" oyunu, 16:00-da isə 'Turan"la 'DH Volley" arasında həlledici final matçı keçirəcək.

İNTİQAM Məmmədov