İran ABŞ-dən zərbələr nəticəsində dəyən ziyana görə təzminat tələb edəcək

Tehran ABŞ və müttəfiqlərindən zərbələrin vurduğu ziyana görə təzminat tələb edəcək və əgər onlar imtina etsələr, Amerika aktivlərini və əmlakını müsadirə etməklə bunun əvəzini çıxacaq.

Bu barədə İslam Respublikasının Ali Liderinin Hindistandakı nümayəndəsi Əbdül Məcid Hakim İlahi bildirib.

O, xatırladıb ki, Vaşinqton tərəfindən qəbul edilən İranın atəşkəs planının on bəndindən biri zərərin ödənilməsi ilə bağlı bənddir. "Biz onları ödəməyə məcbur edəcəyik; onlar ödəməlidirlər. Əgər ödəməsələr, biz onların aktivlərindən və ya əmlaklarından necə təzminat almağı bilirik", - deyə o bildirib.