Dünya yeni denqe qızdırması dalğası ilə üzləşir

Dünyanın müxtəlif bölgələrində denqe qızdırması halları artmaqdadır.

ABŞ Xəstəliklərə Nəzarət və Profilaktika Mərkəzləri (CDC) bu xəbərdarlığı yayıb.

CDC mütəxəssislərin bir neçə ölkəyə səfər etmiş ABŞ vətəndaşları arasında gözləniləndən daha çox yoluxma halı qeydə aldığını qeyd edib. Yoluxanlar bu yaxınlarda Əfqanıstan, Banqladeş, Boliviya, Kolumbiya, Qayana, Maldiv adaları, Mali, Mavritaniya, Yeni Kaledoniya, Pakistan, Sudan və Vyetnama səfər ediblər.

Bəzi hallar ABŞ-də - Puerto Riko və Virgin adalarında da qeydə alınıb.

İlin əvvəlindən bəri ABŞ-də 496 denqe xəstəliyi aşkar edilib.

Virus ağcaqanadlar vasitəsilə ötürülür, lakin bütün yoluxmuş insanlarda xəstəlik inkişaf etmir. Əsas simptomlara yüksək qızdırma, ürəkbulanma, qusma, dəri səpgisi və şiddətli əzələ və oynaq ağrıları daxildir, buna görə də xəstəliyə tez-tez "sümük sınığı qızdırması" deyilir.

CDC vurğulayıb ki, simptomlar görünsə, insanlar mümkün qədər tez tibbi yardım almalı və ya ən yaxın təcili yardım şöbəsinə getməlidirlər. Ağır hallarda xəstəxanaya yerləşdirmə tələb olunur və özünü müalicə ölüm də daxil olmaqla ciddi nəticələrə səbəb ola bilər.