Zidan Hünbətovla Malik Həsənov da "Strandj" kubokunda mərhələ aşıb 

Bolqarıstanın paytaxtı Sofiyada boks üzrə keçirilən və Azərbaycan təmsilçilərinin də qatıldığı "Strandj" Kuboku davam edir. ABF-dən verilən məlumata görə, daha iki boksçumuz sözügedən turnirdə ilk döyüşünü qələbə ilə başa vuraraq mərhələ aşıb. Söhbət 55 kq çəki dərəcəsində çıxış edən Zidan Hünbətovla 65 kq-da rinqə çıxan Malik Həsənovdan gedir. Zidan 1/8 finalda erməni Jirayt Sarqsyani 4:0, Malik isə 1/16 finalda İtaliya təmsilçi Cakamo Canniottini 4:0 hesabla məqlub edib. 

Zidan fevralın 27-də 1/4 finalda ukraynalı Maksim Zimenkoyla döyüşəcək.

Malik isə fevralın 26-da 1/8 finalda erməni Artur Saakyanla üzləşəcək.

Bu gün daha bir boksçumuz Məhəmmədəli Aşurəliyev (60 kq) misirli Yazal Hussam Seyfellə qarşılaşacaq.

İNTİQAM Məmmədov