Məmmədyarov, Fətəliyeva və Allahverdiyeva çempionatın yarımfinalında

"Landmark" Biznes Mərkəzində kişi və qadın şahmatçılar arasında keçirilən Azərbaycan çempionatı davam edir. Dünən çempionatda 1/4 final mərhələnin ilk iki partiyasına yekun vurulub. Reqlamentə uyğun olaraq, ilk iki partiyanin umumi nəticəsinə görə qalib gələn şahmatçılar adlarını çempionatın yarımfinalına yazdırıblar. Kişilərin yarısında Əhməd Əhmədzadəni 1,5:0,5 hesabla üstələyən Şəhriyar Məmmədyarov, qadınlar arasında isə Səbinə İbrahimovani 2:0 məğlub edən Avropa çempionu Ülviyyə Fətəliyeva, eləcə də Günay Məmmədzadə üzərində 2:0 hesablı qələbə qazanan Ayan Allahverdiyeva adını 1/2 finala yazdırıb.

İlk iki oyundan sonra bərabərə qalan şahmatçılar isə bu gün mübarizəni tay-brekdə davam edəcəklər.

Tay-brekdə aşağıdakı görüşlər keçiriləcək:

Rauf Məmmədov - Read Səmədov (ilk iki oyun 1:1), 

Eltac Səfərli - Məhəmməd Muradlı (1:1);

Nicat Abbasov - Aydın Süleymanlı (1:1);

Nərmin Abdinova - Türkan Məmmədyarova (1:1);

Gülnar Məmmədova - Xanım Balacayeva (1:1).

Tay-brekdə qalib gələn şahmatçılar 1/2 finala vəsiqə qazanacaqlar.

İNTİQAM Məmmədov