Ərdoğan İstanbulda Ukrayna danışıqlarının bərpasını istəyir

Türkiyə Prezidenti Rəcəb Tayyib Ərdoğan Fransa Prezidenti Emmanuel Makrona bildirib ki, Ukrayna ilə bağlı danışıqları İstanbulda bərpa etmək üçün tərəflərlə əlaqə saxlayır.

Ərdoğan Fransa Prezidenti Emmanuel Makronun xahişi ilə onunla telefon danışığı aparıb. Söhbət zamanı Türkiyə ilə Fransa arasında ikitərəfli münasibətlər, Ukrayna ilə Rusiya arasındakı münaqişə, regional və qlobal məsələlər müzakirə olunub.

Ərdoğan bildirib ki, davamlı sülhə nail olmaq üçün "diplomatik vasitələrdən ən effektiv istifadə" tələb olunur və Türkiyə atəşkəs prosesinə və sonrakı səylərə tam dəstəyini davam etdirəcək və qlobal sülhü təhdid edə biləcək addımlardan çəkinmək sülh səylərinə töhfə verəcək.

Rusiya və Ukrayna İstanbulda üç raund birbaşa danışıqlar aparıblar. Bu danışıqlar nəticəsində əsir mübadiləsi aparılıb. Rusiya həmçinin həlak olan Ukrayna hərbçilərinin cəsədlərini Ukraynaya təhvil verib. Tərəflər həmçinin münaqişənin həlli ilə bağlı memorandum layihələri mübadiləsi aparıblar.