Gürcüstanda baş verən təyyarə qəzasında həlak olan bütün türk əsgərlərinin cəsədləri tapılıb

Gürcüstanda Türkiyə Hərbi Hava Qüvvələrinə məxsus C-130 hərbi nəqliyyat təyyarəsinin qəzasında həlak olan 20-ci hərbçinin cəsədi tapılıb.

Bu barədə Türkiyə Milli Müdafiə Nazirliyi rəsmi olaraq məlumat verib.

Bu, 11 noyabrda qəzaya uğrayan təyyarənin bütün heyət üzvlərinin ölümünü təsdiqləyir. Təyyarənin qalıqları Xolagiri monastırının yaxınlığındakı dik dağ yamaclarına səpələnmiş və yerli sakinlər tərəfindən aşkar edilmişdir.

Gürcüstan hakimiyyəti aviasiya təhlükəsizliyi qaydalarının mümkün pozulması ilə bağlı cinayət işi açıb. Bütün araşdırmalar Türkiyə və Azərbaycandan olan mütəxəssislərin birbaşa iştirakı ilə sıx əməkdaşlıq şəraitində aparılır.