Səadət Qərib: 

Düşüncələr

Esse

Bəzən düşünmək istəməzsən heç nəyi, amma düşünməmək gərəkdiyini bildiyin halda yenə də düşünmək istəmədiyin şeyləri düşünərsən və hər dəfə bu düşüncələr səni aşağı çəkər.O üzdən düşüncələrlə başım dərddə...yaralarım ürəkdə...

Bəzən bu düşüncələrdən canını qurtarmaq , "Kafkanın çevrilmə" kitabında yazıldığı kimi: Bəzən çevrilib bir canlı olasın gəlir, bir qartal, bir balıq, bir böcək ...

Amma o kitapi oxumasaq belə, insan bəzən bu cəmiyyətdə özü olmaqdan yorulur...

Ürəyimdə səssiz yanan atəşi üfürdükcə alovlandırdım,kədərdən bəslənən ürəyim daha əvvəlkitək sağlam deyil.

İtirdim özümü ...

Amma gücümü də bilirəm, əminəm ki, itirdiyim"məni" tezliklə harda itirmişəmsə orda da tapacam.

Ya qəlbimdə, ya ruhumda!...

Düşüncələr , düşüncələr...

Bıcaqdan iti, ağır yük olan düşüncələr...

Səadət Qərib