"Qarabağ"in ÇL-da növbəti oyunlarının hakimləri bəlli olub

Ölkəmizi futbol üzrə UEFA Çempionlar Liqasında təmsil edən "Qarabağ" klubunun üçüncü mərhələdə "Şkendiya" (Şimali Makedoniya) klubuna qarşı keçirəcəyi hər iki oyunun hakimləri bəlli olub. Qeyd edək ki, avqustun 5-də Şimali Makedoniyanın paytaxtı Skopye səhərindəki  "Toşe Prosski" stadionunda baş tutacaq ilk oyunu slovakiyali referi İvan Krujlyak idarə edəcək. Ona öz həmyerliləri kömək edəcəklər. Oyun saat 22:00-da başlanacaq.

Cavab oyunu isə avqustun 12-də saat 20:00-da Bakıda Tofiq Bəhramov adına respublika stadionunda başlanacaq. Həmin oyunu isə hollandiyalı hakim Denni Makkeli idarə edəcək. Ona öz həmyerliləri kömək edəcəklər.

İNTİQAM Məmmədov