Boksçularımız Qazaxıstanda keçiriləcək dünya çempionatında iştirak edəcəklər

İyunun 30-dan iyulun 6-dək Astanada (Qazaxıstan) kişilər və qadınlar arasında boks üzrə Dünya Kuboku keçiriləcək.

Astana şəhər administrasiyasından verilən məlumata görə, yarışda 30 ölkədən 300-ə yaxın dəri əlcək ustası iştirak edəcək. Bu, World Boxing Olimpiya Təşkilatının Qazaxıstanda keçirilən ilk yarışlarıdır.

Dünya çempionatının başlamasına iki həftə qalmış komandalar Astanaya gəlməyə başlayıb. Səbəb birgə təlim-məşq toplanışlarıdır.

Hazırda Astanada Azərbaycan, Serbiya, Fransa, Finlandiya, İsveç, İsveçrə, ABŞ, Kanada və Qazaxıstan milli komandalarının birgə məşqi keçirilir.

İl ərzində bir neçə mərhələdə keçirilən dünya çempionatı reytinq yarışması hesab olunur. Hər çəki dərəcəsində qalibə 300 xal, gümüş medalçıya 200, bürünc medalçıya 150 xal verilir.