YADA DÜŞƏR XATİRƏLƏR

(AZpressAZ-in arxivindən: 2023-cü il)

Azər Həsrət: 

Cəmiyyətimiz budur da, nə edək?..

Əməkdar jurnalist Azər Həsrət: Eşitdim ki, “Məmməd” və “Mamed” kimi adların uşaqlara verilməsi yasaqlanıb. Bu adların orijinal şəkli – Məhəmməd məsləhət görülür (əslində ərəbcədə Muhamməd şəklindədir). Baxıram, bunu da lağlağıya çevirənlər var. Olsun. Cəmiyyətimiz budur da, nə edək?..

Amma məsələ müzakirə edilməkdəykən illər öncə dəfələrlə səsləndirdiyim təklifimin üzərinə qayıtmaq istərdim. Şəxsən mən düşünürəm ki, Azərbaycanda ümumiyyətlə türk adlarının yolu açılmalıdır. Ərəb, fars, xristian adlarının uşaqlara qoyulması yasaqlanmalıdır! Niyə türk balalarına ərəb, fars, nəsə ingilis-filan adı qoyulmalıdır? Hə, əlbəttə söhbət ölkənin türk çoxluğundan gedir. Türk olmayanlar öz balalarına öz etnik kimliklərinə uyğun ad seçməkdə sərbəst olmalıdır. Onların da haqqını tanımaya bilmərik axı...