Hindistan Səfirliyi Bakıda "Avara"nı nümayiş etdirərək dostluq bağlarını qeyd edib +FOTOLAR

Hindistanın Azərbaycandakı Səfirliyi 16 oktyabr 2026-cı il tarixində səfirliyin inzibati binasında əfsanəvi Rac Kapurun rejissoru olduğu və baş rolda çəkildiyi, Hindistan kinosunun klassik nümunəsi olan “Avara” filmini nümayiş etdirib.Nümayiş böyük maraqla qarşılanıb və Hindistan kinosunun pərəstişkarlarını, eləcə də Hindistanın dostlarını bir araya gətirib.

AZpress.AZ xəbər verir ki, iştirakçılar Hindistan kinosu tarixinin ən məşhur filmlərindən birini yenidən izləmək imkanı əldə ediblər. Bu filmAzərbaycan tamaşaçılarının qəlbində bu gün də xüsusi yer tutur.

1951-ci ildə ekranlara çıxan “Avara” Hindistan kinosunun inkişafında mühüm mərhələ hesab olunur və Rac Kapurun ən yadda qalan kino əsərlərindən biridir. Film Hindistandan kənarda, xüsusilə keçmiş Sovet İttifaqında, o cümlədən Azərbaycanda böyük populyarlıq qazanıb. Rac Kapur burada tamaşaçıların sevimlisinə çevrilib. Filmin yadda qalan mahnıları, maraqlı süjet xətti, təsirli aktyor ifaları, eləcə də sevgi, ədalət, tale və sosial bərabərsizlik kimi ümumbəşəri mövzuları onun nəsillər və coğrafi sərhədlər boyunca populyarlığını qoruyub saxlamasını təmin edib.

Film nümayişi tamaşaçılara nostalji dolu və yaddaqalan kino təcrübəsi bəxş edib. Filmlə tanış olan tamaşaçıların xoşxatirələri yenidən canlanıb, eyni zamanda “Avara”nın zamana meydan oxuyan cazibəsi yeni nəsil izləyicilərə də təqdim olunub. Azərbaycanda Rac Kapura və onun filmlərinə bəslənən davamlı məhəbbət Hindistan kinosunun dərin mədənitəsirini, dil və milli sərhədləri aşmaq gücünü nümayiş etdirir.

Nümayiş səfirliyin Hindistan kinosunun və mədəniyyətinin zənginliyini və rəngarəngliyini Azərbaycan tamaşaçılarınamüntəzəm olaraq təqdim edən “Bakı Axşamları” təşəbbüsü çərçivəsində, “Bharat Filmotsav” proqramı daxilində təşkil olunub. Film nümayişləri və digər mədəni tədbirlər vasitəsilə bu təşəbbüs mədəni mübadilə üçün platforma yaratmağa,kino həvəskarlarını, Hindistanın dostlarını və geniş ictimaiyyətin nümayəndələrini bir araya gətirməyə davam edir.

“Avara” filminin nümayişi bir daha Hindistan kinosunun Azərbaycanda davamlı populyarlığını təsdiqləyib və xalqlararasında əlaqələrin inkişafında, qarşılıqlı anlaşmanın təşviqində, eləcə də Hindistan və Azərbaycan arasında uzunmüddətlimədəni əlaqələrin möhkəmləndirilməsində kinonun mühüm rolunu vurğulayıb. Rac Kapurun əbədiyaşar irsi iki ölkənin xalqlarını birləşdirən ortaq mədəni xatirələrin və sarsılmaz dostluğun güclü rəmzi olaraq qalır.

 

++++++++++++++++++++   D İ Q Q Ə T :    ++++++++++++++++++++++

Tədbirlərinizin  ViDEO+FOTO ÇƏKİLİŞLƏRİNƏ  sifarişlər qəbul olunur:

əlaqə: WhatsApp- 010 528 3406, 050 331 1111