Milli Müdafiə Strategiyasında Qlobal Körpü: ADEX 2026

Cənubi Qafqaz regionunun ən iri müdafiə sənayesi tədbiri olan Azərbaycan Beynəlxalq Müdafiə Sərgisi (ADEX 2026), modern hərbi texnologiyaların nümayişi və strateji tərəfdaşlıqların qurulması baxımından müstəsna əhəmiyyət kəsb edir. Bakı Ekspo Mərkəzində təşkil olunan bu möhtəşəm platforma təkcə yerli müdafiə potensialının təqdimatı deyil, həm də qlobal hərbi sənaye nəhənglərinin bir araya gəldiyi mühüm dialoq məkanıdır.

Sərginin başlıca hədəfi Azərbaycan Respublikası Müdafiə Sənayesi Nazirliyinin müəssisələri tərəfindən istehsal olunan yerli silah, hərbi texnika və sursatları beynəlxalq bazara təqdim etməkdir.

ADEX 2026 pilotlama sistemləri (dronlar), pilotsuz quru və dəniz vasitələri, süni intellekt əsaslı idarəetmə platformaları, kibertəhlükəsizlik və elektron mübarizə vasitələrinə xüsusi diqqət ayırır. Sərgidə yer alan startap layihələri və elmi-texnoloji innovasiyalar gələcəyin müdafiə konseptlərini formalaşdırmağa xidmət edir.

ADEX 2026 Azərbaycanın hərbi-sənaye potensialını dünyaya nümayiş etdirən, regionda təhlükəsizlik və sülhün qorunmasına yönəlmiş texnoloji üstünlüyü təmin edən, eyni zamanda ölkənin qlobal müdafiə bazarındakı mövqeyini möhkəmləndirən strateji bir platformadır.

ADEX 2026 çərçivəsində Türkiyə Qrafiki və iştirak miqyası ilə aparıcı mövqeyini bir daha nümayiş etdirir. İki ölkə arasındakı müdafiə sənayesi əməkdaşlığı yalnız məhsul satışından ibarət olmayıb, hərbi-texnoloji inteqrasiyanın və birgə istehsalın prioritet istiqamətinə çevrilmişdir. 

Türkiyə Müdafiə Sənayesi Başqanlığının rəhbərliyi altında 60-dan çox aparıcı hərbi-sənaye şirkəti (ASELSAN, BAYKAR, ROKETSAN, TUSAŞ, HAVELSAN, STM və s.) ilə sərgidə ən böyük pavilyonlardan birinə sahibdir. 

Sərgi çərçivəsində Türkiyə və Azərbaycan müdafiə sənayesi qurumları arasında ümumi dəyəri 500 milyon dolları keçən yeni satınalma, ortaq layihə və texnologiya transferi müqavilələri imzalanmışdır. Sərgi çərçivəsində pilot hazırlığı və yüngül hücum tapşırıqları üçün 14 ədəd HÜRKUŞ-II təlim təyyarəsinin tədarükü, eləcə də ROKETSAN istehsalı BARBAROS sahil müdafiə raket sistemlərinin Xəzər sahili təhlükəsizliyinə inteqrasiyası razılaşdırılmışdır.

Azərbaycan və Türkiyə arasında hərbi əməkdaşlıq sadəcə iki dövlət arasındakı ikitərəfli əlaqələr çərçivəsini aşaraq, Cənubi Qafqaz regionunda sabitliyin, təhlükəsizliyin və güc balansının əsas zəmanətçisinə çevrilmişdir. Müstəqilliyin bərpasından bəri inkişaf edən bu əməkdaşlıq “Bir millət, iki dövlət” fəlsəfəsi və 2021-ci ildə imzalanan Şuşa Bəyannaməsi ilə rəsmi olaraq müttəfiqlik səviyyəsinə yüksəlmişdir. Bəyannaməyə əsasən, tərəflərdən birinin müstəqilliyinə, suverenliyinə və ya ərazi bütövlüyünə üçüncü dövlət və ya dövlətlər tərəfindən təhdid və ya təcavüz olduğu halda, digər tərəf BMT Nizamnaməsinə uyğun olaraq lazımi hərbi və təhlükəsizlik köməyi göstərir.

Hər il Azərbaycan və Türkiyədə "Mustafa Kamal Atatürk", "Sarsılmaz Qardaşlıq", "TurAz Qartalı" kimi müxtəlif qoşun növlərinin iştirakı ilə onlarca birgə taktik və döyüş təlimləri keçirilir.

İki ölkənin hərbi birliyi Zəngəzur dəhlizinin, beynəlxalq enerji (BTC, TANAP) və nəqliyyat marşrutlarının təhlükəsizliyinin təmin edilməsində, eləcə də Türk Dövlətləri Təşkilatı çərçivəsində ortaq təhlükəsizlik çətirinin formalaşmasında həlledici rol oynayır.

Azərbaycan və Türkiyə arasındakı hərbi əməkdaşlıq hər iki dövlətin suverenliyini qorumaqla yanaşı, regionda sülhün, müasir hərbi-texnoloji inkişafın və strateji sabitliyin dayanıqlı təməlidir.

Xeyransa İsmayılova

Tədbirlə bağlı videoreportaj tezliklə təqdim olunacaq. Bizi izləmədə qalın...

 

++++++++++++++++++++   D İ Q Q Ə T :    ++++++++++++++++++++++

Tədbirlərinizin  ViDEO+FOTO ÇƏKİLİŞLƏRİNƏ  sifarişlər qəbul olunur:

əlaqə: WhatsApp- 010 528 3406, 050 331 1111