Bakı Türk Anadolu Liseyində Robotik kodlaşdırma laboratoriyası istifadəyə verilib +VİDEO, FOTO=39

Sentyabrın 10-da Bakı Türk Anadolu Liseyinin Əhmədli kampusunda Robotik kodlaşdırma laboratoriyasının açılış mərasimi keçirilib.

AZpress.AZ xəbər verir ki, Robotik kodlaşdırma laboratoriyası Türk Əməkdaşlıq və Koordinasiya Agentliyi (TİKA) tərəfindən 2019-cu ildə Bakı Türk Anadolu Liseyində robotik kodlaşdırma və intellekt oyunları emalatxanalarının yaradılması ilə başlayan əməkdaşlığın davamıdır.

Tədbir Ulu Öndər Heydər Əliyevin və şəhidlərimizin əziz xatirəsinin bir dəqiqəlik sükutla yad edilməsi ilə başlanıb. Daha sonra Azərbaycan və Türkiyənin Dövlət himnləri səsləndirilib.

Bakı Türk Anadolu Liseyinin direktoru Abdullah Yılmaz çıxışında bildirib ki, bu layihə Azərbaycan ilə Türkiyənin sarsılmaz qardaşlığının təhsilə və gələcəyə uzanan gözəl təzahürlərindən biridir.

TİKA rəhbəri Abdullah Eren çıxışında layihənin şagirdlərin texnologiya və mühəndislik sahələrində bacarıqlarının inkişaf etdirilməsi baxımından əhəmiyyətini vurğulayıb. Qeyd edib ki, bu kimi layihələr Azərbaycan-Türkiyə arasında təhsil və texnologiya sahəsində əməkdaşlığın daha da inkişafına xidmət edir. O, laboratoriyanın şagirdlərin texnologiya, proqramlaşdırma və mühəndislik sahələrində praktiki bacarıqlarının inkişafına mühüm töhfə verəcəyini bildirib.

Türkiyənin Azərbaycandakı səfiri Prof.Dr.Birol Akgün  çıxışında Azərbaycan-Türkiyə münasibətlərinin bütün sahələrdə olduğu kimi, təhsil və elm istiqamətində də uğurla inkişaf etdiyini bildirib. Səfir bu cür layihələrin gənclərin müasir texnologiyalara yiyələnməsində, onların yaradıcılıq və innovativ düşüncə qabiliyyətlərinin inkişafında mühüm rol oynadığını vurğulayıb.

Tədbirdə Türkiyə və Azərbaycanın ortaq mədəni irsini əks etdirən musiqi nömrələri nümayiş olunub.

Daha sonra TİKA-nın dəstəyi ilə yaradılmış Robotik kodlaşdırma laboratoriyanın açılışı keçirilib. Mərasimdə şagirdlər tərəfindən hazırlanan layihələrin də təqdimatı olub. Onlar robototexnika və proqramlaşdırma sahəsində hazırladıqları praktiki işləri nümayiş etdiriblər.

Bakı Türk Anadolu Liseyində TİKA-nın (Türk Əməkdaşlıq və Koordinasiya Agentliyi) dəstəyi ilə istifadəyə verilən Robototexnika və Kodlaşdırma Sinfi, Azərbaycan və Türkiyə arasında təhsil sahəsindəki sarsılmaz əməkdaşlığın növbəti parlaq təzahürüdür.

Bu təşəbbüs yalnız texnoloji bir infrastrukturun qurulması deyil, həm də gələcəyin mühəndislərini, proqramçılarını və alimlərini yetişdirmək yolunda atılmış strateji bir addımdır.

​Müasir dünyada təhsil artıq yalnız nəzəri biliklərin ötürülməsi ilə məhdudlaşmır. Rəqəmsal dövr şagirdlərdən alqoritmik təfəkkür, tənqidi düşüncə və problemləri innovativ yollarla həll etmə bacarıqları tələb edir. Bu baxımdan, açılışı olunan yeni robototexnika sinfi şagirdlərə STEM (Elm, Texnologiya, Mühəndislik və Riyaziyyat) sahələrində praktiki təcrübə qazanmaq üçün geniş imkanlar yaradır. Şagirdlər burada kodlaşdırmanın əsaslarını öyrənməklə yanaşı, öz ideyalarını reallığa çevirmək, müasir texnologiyalarla işləmək və komanda şəklində layihələr hazırlamaq imkanı əldə edəcəklər.
​TİKA-nın Azərbaycanda həyata keçirdiyi bu kimi layihələr iki qardaş ölkə arasındakı mədəni və təhsil əlaqələrini daha da möhkəmləndirir. Bakı Türk Anadolu Liseyi uzun illərdir ki, keyfiyyətli təhsili ilə seçilən təhsil müəssisələrindən biridir. Liseyin texnoloji imkanlarının modernləşdirilməsi nəinki təhsilin keyfiyyətini yüksəldəcək, həm də gənclərin beynəlxalq arena və texnologiya yarışmalarında ölkəmizi layiqincə təmsil etməsinə zəmin yaradacaqdır.

​Yekun olaraq, TİKA dəstəkli robotlaşdırma və kodlaşdırma sinfinin istifadəyə verilməsi gələcəyə yatırılan ən dəyərli investisiyadır. Rəqəmsal savadlılığın və innovativ təfəkkürün formalaşmasına xidmət edən bu layihə, gənc nəslin qlobal dünyada rəqabətədavamlı kadrlar kimi yetişməsində mühüm rol oynayacaqdır.

Xeyransa İsmayılova

REPORTAJI İZLƏMƏK ÜÇÜN LİNKƏ TIKLAYIN: 

https://www.instagram.com/p/DdHfwQwhaJB/

https://www.instagram.com/p/DdHgK1eBdDG/

 

++++++++++++++++++++   D İ Q Q Ə T :    ++++++++++++++++++++++

Tədbirlərinizin  ViDEO+FOTO ÇƏKİLİŞLƏRİNƏ  sifarişlər qəbul olunur:

əlaqə: WhatsApp- 010 528 3406, 050 331 1111