Ağdərdə mina partlayıb, xəsarət alanlar var

Ağdərənin Çardaqlı kəndində iki humanitar mina təmizləmə işçisi piyada əleyhinə mina partlaması nəticəsində yaralanıb.

Azərbaycan Ərazilərinin Minalardan Təmizlənməsi Agentliyinin (ANAMA) məlumatına görə, QHT-nin əməkdaşı Elzamin Vəzir oğlu Surxaylı (1994-cü il təvəllüdlü) vəzifə başında olarkən yaralanıb və sağ ayağından xəsarət alıb.

Digər işçi, Füzuli Rizvan oğlu Mirzoyev (1998-ci il təvəllüdlü) isə yüngül xəsarətlər alıb.

Hər iki zərərçəkən mərkəzi rayon xəstəxanasına aparılıb. Onların vəziyyəti qənaətbəxş kimi qiymətləndirilir.