Rüstəm Behrudi: 

Yaradıcı adam üçün əsas məsələ nəyi yazmaq deyil, necə yazmaqdadı

Artıq iki gündür böyük heyranlıqla Şəmil Sadiqin "Odərlər" kitabını oxuyuram.

Tanrı dağlarından əsən rüzgarın böyük çöldə at nallarının altında qalıb əzilən yovşanların ətrı gəlir bu kitabdan!

"Yaradılış dastanı"ndan başlamış, On uyğur, doqquz oğuz dastanına, "Manas"dan "Gündoğmuş" dastanına qədər türkün ruhu çırpınır bu kitabda!

Türk etnosunun dünyanın ilkin yaranışı haqqındakı düşüncələri,

İlkin inanclar sistemi--şamanizm, Tanrıçılıq, türkün nəyi varsa -bu əsərdə ilğım kimi sehirləyir adamı!

Mənə elə gəlir ki, bu əsər türk mifolojisindən , türk törəsindən qaynaqlanan , həm də onu oxucusuna təqdim eləyən bir ilk olacaq!

Yaradıcı adam üçün əsas məsələ nəyi yazmaq deyil, necə yazmaqdadı.

Dəyərli Şəmil bəy nədən yazmağı da bilib, necə yazmağı da!

Uğurlar,sənətkar!