Xəyalə Cavadova:

Gözümün nuru

Özün bilərsən ki,  gözümün nuru 
Mənə bu dünyada ən doğma kəssən
Nə qədər mən varam , nə qədər sağam 
Heç zaman  düşünmə həyatda təksən

Yormasın getdiyin bu yollar səni
Ək səbir ağacı,  dər arzuları 
Özünə inansan, bax o göylərdən 
İstəsən yığarsan lap ulduzları 

Səni qorxutmasın bir kağız, qələm
Zehnin qarşısında onlar yalandır
Xəbərin olsun ki, həyatın özü 
Ən çətin , ən qəliz bir imtahandır