Paraüzgüçülük üzrə ölkə çempionatı başa çatıb 

Azərbaycan Respublikasının Milli Paralimpiya Komitəsinin (ARMPK) təşkilatçılığı və Gənclər və İdman Nazirliyinin (GİN) dəstəyi ilə Sumqayıtdakı Paralimpiya İdman Kompleksində yeniyetmə və gənclər arasında paraüzgüçülük üzrə keçirilən və seçmə xarakteri daşıyan ölkə çempionatı başa çatıb.

AMPK-dən verilən məlumata görə, çempionatıda 30-a qədər paraüzgüçü 9 müxtəlif kateqoriyda öz bacarığını nümayiş etdirib. 

Çempionatın bağlanış mərasimində 2 qat Paralimpiya çempionu İlham Zəkiyev, GİN-in sektor müdiri Aydın Məmmədov, ARMPK -nin rəhbərliyi, tərəfdaş qurumların nümayəndələri və eləcə də idman ictimaiyyətinin üzvləri iştirak ediblər. 

İlk dəfə keçirilən bu çempionat ölkəmizdə paraüzgüçülük növünün inkişafı, idmançıların yarış təcrübəsinin artırılması və milli komandanın formalaşdırılması baxımından mühüm əhəmiyyət kəsb edib.

Çempionatın sonunda qalib və mükafatçılar layiq olduqları medallar və diplomlarla təltif olunublar.

İNTİQAM Məmmədov