İranda casusluq ittihamı ilə MMA döyüşçüsü edam edilib

İranlı MMA döyüşçüsü Qulamrza Hani Şəkrab kəşfiyyat əməkdaşlığı və İsrail üçün casusluq ittihamları ilə edam edilib.

İran məhkəmə orqanları onun hökmünün ölkənin Ali Məhkəməsi tərəfindən qüvvədə saxlanıldığını və bütün hüquqi prosedurlar başa çatdıqdan sonra icra edildiyini bildirib.

Müstəntiqlərin sözlərinə görə, Hani Şəkrabın İsrail kəşfiyyat agentliyi Mossadın xarici əməliyyat şəbəkələrindən birində iştirak etdiyi iddia edilir.

Məhkəmə iddia edir ki, idmançı ölkə daxilində insanları şəbəkənin fəaliyyətinə cəlb etməyə və onlardan İranın təhlükəsizliyinə qarşı əməliyyatlarda istifadə etməyə cəhd edib.

Qeyd olunur ki, idman fəaliyyəti ilə bağlı səyahətləri zamanı Hani Şəkrab İsrail kəşfiyyat xidmətlərinin diqqətinə düşüb.

İran hakimiyyəti işin heç bir təfərrüatını və ya əlavə materialları açıqlamayıb.