Putin xaricdə saxlanılan rusları qorumaq üçün ordudan istifadəyə icazə verib

Rusiya Prezidenti Vladimir Putin, dövlət başçısınn qərarı ilə Rusiya vətəndaşlarını qorumaq üçün xaricdə silahlı qüvvələrdən istifadəyə icazə verən qanun layihəsini imzalayıb.

Müvafiq sənəd hüquqi aktların dərc edilməsi üçün rəsmi portalda dərc edilib.

Qanun layihəsi "Rusiya Federasiyasının vətəndaşlığı haqqında" Federal Qanunun 6-cı maddəsinə və "Müdafiə haqqında" Federal Qanunun 10-cu maddəsinə bu hərəkətlərə icazə vermək üçün düzəlişlər edir.

Sənədə əsasən, silahlı qüvvələr prezidentin qərarı ilə həbs edilmiş, saxlanılmış və ya xarici məhkəmələrin qərarları ilə cinayət və ya digər təqiblərə məruz qalan Rusiya vətəndaşlarını qorumaq üçün yerləşdirilə bilər. Bu, yalnız Rusiyanın tərəf olmadığı və yurisdiksiyası Rusiya ilə beynəlxalq müqaviləyə və ya BMT Təhlükəsizlik Şurasının qətnaməsinə əsaslanmayan məhkəmələrə aiddir.

Bundan əlavə, prezidentin qərarı ilə Rusiya hakimiyyəti öz səlahiyyətləri daxilində vətəndaşları qorumaq üçün zəruri tədbirlər görə bilər.