Bakıda VI Türk Dünyası Ədəbiyyat və Kitab Festivalı - FOTOLAR

Azərbaycan Milli Elmlər Akademiyasının (AMEA) əsas binasının önündəki parkda VI Türk Dünyası Ədəbiyyat və Kitab Festivalının (VI LitBookFest) açılışı olub.

AMEA-nın prezidenti akademik İsa Həbibbəyli açılış nitqində VI Türk Dünyası Ədəbiyyat və Kitab Festivalını Azərbaycanın Türk dünyası ilə əlaqələrinin ardıcıl şəkildə qurulması istiqamətində həyata keçirilən genişmiqyaslı tədbirlərin məntiqi nəticəsi kimi dəyərləndirib. Bildirib ki, bu festival Türk dünyası ölkələri arasında inteqrasiya proseslərinin dərinləşməsinə, elmi, ədəbi və mədəni əməkdaşlığın coğrafiyasının genişlənməsinə mühüm töhfə verməkdədir.

Festival ədəbi-bədii kompozisiyalarla davam etdirilib.

Festivalın ilk günü Azərbaycan–Türkiyə, ikinci günü Özbəkistan–Türkmənistan, üçüncü günü Qazaxıstan–Qırğızıstan, dördüncü günü Macarıstan–Şimali Kipr Türk Respublikası, sonuncu günü isə Türk Dünyası – Yunus Əmrə günü adlandırılıb.

Festival mayın 26-dək davam edəcək.

Fotolar: Araz Məmmədov