Latviya naməlum dron səbəbindən növbəti dəfə hava təhlükəsi xəbərdarlığı verib

Mayın 17-si səhər saatlarında Latviya Milli Silahlı Qüvvələri səmada naməlum pilotsuz təyyarənin görünməsi səbəbindən Rusiya ilə sərhəddə bir neçə ərazidə Latviya hava məkanında mümkün təhlükə barədə xəbərdarlıq edib.

Bu barədə Latviya Silahlı Qüvvələrinin mətbuat xidməti məlumat yayıb.

Latviya Silahlı Qüvvələri qeyd edib ki, onlar NATO müttəfiqləri ilə birlikdə potensial təhlükəyə dərhal reaksiya vermək üçün hava məkanını daim izləyir.