Qazaxıstan Qızıl Ordanın şərəfinə sikkə buraxıb

Qazaxıstan Milli Bankı Qızıl Ordanın şərəfinə kolleksiya gümüş sikkə buraxır.

"Qazaxıstan Milli Bankı Qızıl Orda kolleksiya sikkəsi buraxır... Sikkə qızıl örtüklü 925 əyarlı gümüşdən hazırlanıb, çəkisi 62,2 qram, diametri 50 millimetrdir... və nominalı 2000 təngədir", - deyə tənzimləyici açıqlamada bildirib.

Milli Bank aydınlaşdırıb ki, sikkə Qazaxıstan Zərbxanasında istehsal olunub, 1000 ədəd zərb olunub və Qazaxıstan ərazisində bütün növ ödənişlər, eləcə də bank hesablarına yatırımlar, köçürmələr və ölkənin bütün banklarında mübadilə əməliyyatları üçün nominal dəyərində qəbul edilməsi məcburidir.