Ukrayna ilə bağlı danışıqlar prosesi dayanıb

Ukrayna münaqişəsinin həlli üçün danışıqlar prosesi hazırda dalana dirənib, lakin ABŞ yenə də hərbi əməliyyatlara son qoymaq üçün vasitəçi kimi çıxış etməyə hazırdır.

"Əl-Cəzirə"nin məlumatına görə, ABŞ dövlət katibi Marko Rubio bunu bildirib.

O, İtaliyaya səfəri zamanı jurnalistlərə bildirib ki, "bu səylər hazırda dalana dirənib, lakin vəziyyət dəyişərsə, biz həmişə [bu məsələni həll etməyə] hazırıq".

M. Rubio qeyd edib ki, Vaşinqton "bu səylər məhsuldar olarsa, vasitəçi rolunu oynamağa hazırdır".

Lakin dövlət katibi əlavə edib ki, ABŞ "vaxtını və enerjisini irəliləyiş gətirməyən səylərə sərf etmək istəmir".