"Barselona" "Atletiko Madrid"ə məğlub olduqdan sonra UEFA-ya yeni şikayət hazırlayır

"Barselona" Çempionlar Liqasının dörddəbir finalında "Atletiko Madrid"ə qarşı keçirilən matçlarda hakim qərarları ilə bağlı UEFA-ya yeni şikayət ərizəsi ilə müraciət etmək niyyətindədir.

Kataloniya klubunun prezidenti Joan Laporta bu barədə açıqlama verib.

O bildirib ki, "Barselona" artıq UEFA-ya müraciət edib, lakin bununla kifayətlənmək niyyətində deyil. "Biz bunu qəbul edə bilmərik. Biz artıq UEFA-ya şikayət ərizəsi təqdim etmişik və düşünürəm ki, daha bir şikayət ərizəsi təqdim edəcəyik", - Laporta bildirib.

Katalonlar "Atletiko Madrid"ə ümumi hesabda 3-2 hesabı ilə uduzduqdan sonra turnirdən kənarlaşdırılıblar. İlk oyunu rumıniyalı İştvan Kovaç, cavab oyununu isə fransız Klement Turpin idarə edib.

Cavab oyununda 2-1 hesabı ilə qalib gəlsə də, "Barselona" hesab fərqini aradan qaldıra bilməyib və turnirdən kənarlaşdırılıb. Yarımfinalda "Atletiko" "Sportinq" - "Arsenal" matçının qalibi ilə qarşılaşacaq. PSJ hazırkı Çempionlar Liqasının çempionudur.