İran prezidenti: Livana hücumlar danışıqları mənasız edəcək

İsrailin Livana qarşı davam edən hücumları Vaşinqton (ABŞ) və Tehran (İran) arasında İslamabadda planlaşdırılan danışıqları mənasız edəcək.

İran prezidenti Məsud Pezeşkiyan bunu sosial mediada bildirib.

O yazıb ki, "İsrailin Livana qarşı təkrarlanan təcavüzü ilkin atəşkəs razılaşmasının açıq şəkildə pozulmasıdır. Bu, aldatma və mümkün razılaşmalara əməl edilməməsinin təhlükəli bir siqnalıdır. Bu cür hərəkətlərin davam etdirilməsi danışıqları mənasız edəcək".

Pezeşkiyan qeyd edib ki, İran Silahlı Qüvvələri "tetikdə"dir.

O əlavə edib ki, "İran heç vaxt Livanlı qardaş və bacılarını tərk etməyəcək".