Gəncədə yeniyetmə şahmatçıların ölkə çempionatına start verilib 

Bu gün Gəncədə 8-18 (8, 10, 12, 14, 16 və 18) yaşlı yeniyetmə qızlar və oğlanlar arasında şahmat üzrə seçmə xarakterli Azərbaycan çempionatına start verilib.

AŞF-dən verilən məlumata görə, martın 30-dək keçiriləcək bu çempionatda əsas məqsəd muxtəlif yaş qrupları üzrə ölkə yığma komandasının formalaşdırılmasıdır.

Reqlamentə görə, hər yaş qrupunda birinci yeri tutan şahmatçılar ölkəmizi 2026-ci ildə keçiriləcək dünya və Avropa çempionatında, ikinci yerin sahibləri isə yalnız Avropa çempionatında təmsil edəcəklər.

Bir məqamı da qeyd edək ki, 8, 10 və 12 yaşlıların dünya çempionatının formatında edilən dəyişikliyə əsasən bu yarışda yaxşı nəticə göstərən şahmatçılar Dünya Kubokunda iştirak etmək hüququ qazanacaqlar.

İNTİQAM Məmmədov