İtaliyada "Roma"nın futbolçusu El Aynaoui və ailəsi qarət edilib

"Roma"nın yarımmüdafiəçisi Neil El Aynaoui və ailəsi Romada qarət edilib. Hadisə təxminən saat 3:00 radələrində Castel Fusano məhəlləsində baş verib.

Məlumata görə, tapançalarla silahlanmış və qara geyimli altı maskalı kişi qonaq otağının pəncərəsindən dəmir barmaqlıqları çıxararaq evə daxil olub. Oğrular futbolçunu, anasını, sevgilisini, El Aynaouinin qardaşını və sevgilisini otaqlardan birinə kilidləyib, sonra təxminən 10.000 avro dəyərində zinət əşyaları, Rolex saatı və dizayner çantalarını oğurlayıblar. Polisin araşdırma apardığı bildirilir.

24 yaşlı futbolçu bu mövsüm bütün yarışlarda 26 oyun keçirib, bir qol vurub və bir məhsuldar ötürmə edib.