Zelenski bildirib ki, Ukrayna İranın təhdidlərindən qorxmur

Ukrayna İranın təhdidlərindən qorxmur.

Bunu Ukraynanın ölkə prezidenti Volodimir Zelenski deyib.

Onun sözlərinə görə, son dörd il ərzində - Rusiya ilə müharibə başlayandan bəri dəfələrlə belə bəyanatlar eşidib.

"Bu barədə yeni heç nə yoxdur. Bu illər ərzində mən çoxlu müxtəlif mesajlar eşitmişəm. Biz belə təhdidlərdən qorxmuruq - ən azı dörd il, ümumilikdə isə təxminən 12 ildir ki, hər gün belə şəraitdə yaşayırıq. Ona görə də bu, bizim üçün xəbər deyil", - Ukrayna dövlətinin başçısı vurğulayıb.

Xatırladaq ki, bir müddət əvvəl İran parlamentinin xarici siyasət və milli təhlükəsizlik komitəsinin sədri İbrahim Əzizi Kiyevin İsraili dəstəkləməsindən sonra Ukraynanın İslam Respublikası Silahlı Qüvvələrinin qanuni hədəfinə çevrildiyini bildirmişdi.