İranın mərhum Ali Lideri Əli Xamenei ilə vida mərasimi təxirə salınıb

İran hakimiyyəti mərhum Ali Rəhbər Əli Xamenei ilə vida mərasimini təxirə salmaq qərarına gəlib.

Bu barədəTehranın İslam Təbliğat Koordinasiya Şurasının rəhbəri Möhsün Mahmudi bildirib.

"Bu tədbir təxirə salınır. Ümid edirəm ki, ən qısa zamanda, şərait imkan verən kimi koordinasiya şurası vida mərasiminə çağırış edən müvafiq bəyanat verəcək", - deyə o, İran televiziyasında bildirib.

O bildirib ki, təxirə salınma mərasim üçün "infrastrukturun" hazırlanması zərurəti ilə bağlıdır, çünki ölkə daxilində iştirak üçün "böyük tələb" var. Bu arada, Tehran hücumlara məruz qalmaqda davam edir, lakin bu, təxirə salınmanın səbəbi kimi qeyd edilməyib.