FIFA 2026-cı il dünya çempionatının rəsmi posterini təqdim edib
Beynəlxalq Futbol Federasiyasının (FİFA) mətbuat xidməti gələn ilin yayında ABŞ, Kanada və Meksikada keçiriləcək 2026-cı il dünya çempionatının rəsmi posterini rəsmi saytında dərc edib.
Bildirilir ki, FİFA Dünya Kuboku tarixində ilk dəfə olaraq üç rəssam öz səylərini birləşdirərək müsabiqə posteri yaradıblar: Karson Tinq (Kanada), Minerva GM (Meksika) və Hank Uillis Tomas (ABŞ).
“Rəsmi turnir posteri bu unikal anın əməkdaşlıq ruhunu, həyəcanını və birliyini tərənnüm edir”, - FİFA-nın rəsmi saytında deyilir.
Dünya çempionatı iyunun 11-də başlayacaq və iyulun 19-dək davam edəcək.
