UNICEF: İrana edilən hücumlar uşaqlar üçün ciddi təhlükəni ortaya qoyur

Təşkilatın bəyanatına görə, Birləşmiş Millətlər Təşkilatının Uşaq Fondu (UNICEF) İranda uşaqlar üçün "ciddi təhlükə" yaradan hücumlar barədə məlumatlardan son dərəcə narahatdır.

"UNICEF İranda və regionda uşaqlar üçün ciddi təhlükəni göstərən hücumlar barədə məlumatlardan dərin narahatlıq ifadə edir. İranda məktəblərə, o cümlədən İranın cənubundakı Hörmüzqan əyalətinin Minab şəhərindəki qızlar məktəbinə hücumlar barədə məlumatlar var. Onlarla şagirdin öldüyü və daha çoxunun yaralandığı bildirilir", - deyə bəyanatda bildirilir.

UNICEF bütün tərəfləri maksimum təmkin göstərməyə və beynəlxalq humanitar hüquq, eləcə də insan hüquqları, o cümlədən mülki şəxslərin qorunması və uşaqların asılı olduğu əsas xidmətlər üzrə öhdəliklərinə əməl etməyə çağırıb.

UNICEF bildirib ki, "Mülki şəxslərə və mülki obyektlərə, o cümlədən məktəblərə hücumlar beynəlxalq hüququn pozulmasıdır".