Güləş üzrə U-17 Azərbaycan birinciliyi başa çatıb 

"May Group" Holdinqin sponsorluğu və "AzerGold" şirkətinin fəxri sponsorluğu ilə Gəncə Olimpiya İdman Kompleksində 17 yaşlı (U-17) yeniyetmələr arasında yunan-Roma və sərbəst güləş üzrə keçirilən Azərbaycan birinciliyinə bu sərbəst güləşçilər arasında baş tutan daha 5 final qarşılaşması ilə yekun vurulub. Son gündə 48, 55, 65, 80 və 110 kq çəki dərəcələrində finallar baş tutub.

48 kq çəkidə Hüseyn Rzazadə (Cəlilabad, "Mywerstling"), 55 kq çəki dərəcəsində Abbas Şəfiyev (Lənkəran), 65 kq-da Rəşid Nazarov (ROİL, Neftçi), 80 kq çəkidə Nahid Süleymanlı (Neftçi, Təhsil), 110 kq-da isə Hakım Taqiyev (Neftçi) qalib gələrək ölkə çempionu adını qazanıb.

Dünən isə 45, 51, 60, 71 və 92 kq çəki dərəcəsində qaliblər müəyyənləşib.

İNTİQAM Məmmədov