Qukasyana 20 il cəza verildi

Təqsirləndirilən şəxslərə qarşı hökmlər Bakı Hərbi Məhkəməsində Ermənistan vətəndaşlarının məhkəməsində oxunur və proses davam edir.

Qeyd edilib ki, təqsirləndirilən şəxs Arkadi Qukasyan ömürlük həbs cəzası ilə cəzalandırılan cinayətlərdə ittiham olunsa da və bu ittihamlar məhkəmə prosesi zamanı təsdiqlənsə də, məhkəmənin yekun qərarı, yəni hökm çıxarıldığı zaman 65 yaşına çatdığı üçün Azərbaycan Respublikası Cinayət Məcəlləsinin tələblərinə uyğun olaraq ona ömürlük həbs cəzası verilə bilməz.

Hökmə əsasən, təqsirləndirilən şəxs Arkadi Qukasyan 20 il müddətinə azadlıqdan məhrum edilib.

Qeyd etmək lazımdır ki, dövlət ittihamını dəstəkləyən prokurorlar da təqsirləndirilən şəxslərə 20 il müddətinə azadlıqdan məhrum etmə cəzası verilməsini təklif ediblər.