Hər gün yumurta yesəniz bədəninizə nə olar?

Dietoloqlar hər gün yumurta yesəniz, orqanizminizə nələrin gələcəyini açıqlayıblar.

Yumurtalar unikal qidadır, çünki onların tərkibində sağlamlığımız üçün faydalı olan bir çox qida maddəsi var. Məsələn: zülal, doymamış yağlar, D vitamini, dəmir, B vitaminləri və beyin və sinir sistemini dəstəkləyən kolin.

Mütəxəssis əlavə edib ki, yumurtanın tərkibindəki zülalın çox hissəsi yumurtanın ağında, vitamin və mineralların çoxu isə yumurtanın sarısında olur. Bu səbəblə yumurtanın hamısını yemək xüsusilə faydalıdır.

İnsanların çoxu hətta hər gün yumurta yeyə və heç bir zərəri olmadan ondan fayda əldə edə bilər.

Hər gün yumurta yeməyə başladığınız zaman gözləyə biləcəyiniz dəyişiklik bunlardır:

Daha çox enerjiniz olacaq. Yumurtadakı zülal və yağın birləşməsi aclığın qarşısını almağa və gün ərzində sizə enerji verə bilər.

Konsentrə olmaq sizin üçün daha asan olacaq. Yumurtanın tərkibindəki kolin kimi qida maddələri idrak funksiyası da daxil olmaqla beyin sağlamlığını dəstəkləyir. 2018-ci ildə aparılan bir araşdırma, insanların çoxunun kifayət qədər kolin qəbul etmədiyini göstərdi.

Əhvalınız yaxşılaşa bilər. Hər gün yumurta yeməyə başlasanız, əhvalınızın yaxşılaşdığını görə bilərsiniz. Mütəxəssislər deyirlər ki, yumurtanın tərkibindəki qida maddələri ilə yaxşılaşmış psixi sağlamlıq arasında birbaşa əlaqə var.