(AZpressAZ-in arxivindən: 2024-cü il)
YADA DÜŞƏR XATİRƏLƏR
Vüsalə Məmmədova:
Bilmirəm problem kimdədir…Rejissorda, ssenaristdə, prodüserdə…ya kimdə?
Anam seriala baxır. Mən də arada göz və qulaq müsafiri oluram. Serialların adını bilmirəm, amma neçə ildir aktyorların üzünü görən kimi bilirəm ki, bu qadına xəyanət ediblər, bu kişi müflis olub, bu oğlana sevdiyi qızla evlənməyə icazə vermirlər, bu qadın mütləq dava salacaq və s.
Hələ təzəlikcə bilmişəm ki, bunlar ayrı-ayrı seriallardır… Heyət də, demək olar ki, mövzu da eyni…
Sektora yad biri kimi belə təəssürat yaranır ki, sanki əvvəlcə aktyorları seçib, sonra ssenarini onların “boyuna biçiblər”.
Əminəm, aktyorlar da bu durumdan məmnun deyil, onlar başqalaşmaq istəyirlər…
Bilmirəm problem kimdədir… Rejissorda, ssenaristdə, prodüserdə… ya kimdə? Siz bilirsiniz?
